異地戀突然死亡！陳靜自責：係我唔識拍拖
20151229
東網電視
更多新聞短片
陳靜之前講段異地戀時，仲甜蜜到不得了，估唔到咁就散咗，好彩佢都算堅強面對。
女星陳靜（DaDa）早前自爆和台灣男友進行甜蜜異地戀，並事先張揚會雙雙度過甜蜜的聖誕節，可是話口未完，不足兩星期即告分手！DaDa承認情已逝，直言自己唔識拍拖兼冇火花為致命原因，分手反而令她鬆一口氣。
DaDa於本月中事先張揚，會與台灣男友共度聖誕節，豈料剛過了聖誕節數天，DaDa突然在微博留言：「一個人的快樂是一門藝術。」又在微信圈留言：「沒有甚麼突然之間結束的，結束都有着漫長壓抑的伏筆。」據知DaDa的確於聖誕節期間留在香港，並沒有去台灣。
聖誕做電燈膽療情傷
DaDa接受《東網》電話訪問，大方承認分手，笑言最致命的原因是不懂拍拖：「我可能好耐冇拍過，所以唔識拍！其實主要係因為大家之前花咗成年時間了解先去發展感情，了解太深，所以拍拖時冇火花。另一個原因，係我同佢嘅家庭觀念都好重，尤其節日都會同自己屋企人一齊，始終大家都係相隔兩地。」她承認剛過去的聖誕節主要和朋友共度：「我仲同一對情侶一齊去嘉年華玩，做埋電燈膽，哈！畀番啲火花佢哋！」
期望一見鍾情
DaDa強調大家是在和平氣氛下分手，不會有復合可能，向來理智處理感情的她，期望會有段充滿激情的戀愛：「媽咪都知我分手，仲話最緊要係我舒服。我覺得大家做番朋友仲好，分手反而令我放鬆，我不嬲唔會糾纏。我都想下一段感情有激情，最好一見鍾情，起碼有美麗嘅回憶。」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：