丘雪祺搵鄧鳳賢行騷圓中國夢

時裝設計師丘雪祺早前為離島扶輪社周年慈善晚宴特別設計一場時裝騷，展示其2016秋冬名為China Dream的新作，是次時裝騷清一色採用外籍模特兒，取其中西合壁的意思，最特別是，她請來唯一一位東方面孔行壓軸，對方出場時，惹來全場歡呼聲此起彼落，她說：「今次好特別，請咗該社嘅社長Anita（鄧鳳賢）行壓軸，幫佢設計咗一件單肩中西合壁設計嘅旗袍，佢喺我心目中係好型嘅時代女性，佢第一次行騷，出場時全場起哄，有人吹口哨，氣氛高漲。」

她續表示：「之前喺北京上咗個國家行政學院課程，對中國文化了解多咗，覺得中國夢唔止係中國人嘅夢，全世界嘅人都有呢個想法。」她說與該社先後合作兩年，問她會否加入做會員時？她直言有被邀請，要先安排好自己的時間再作決定。