認戀陳瀅　猷亨否認包養：養自己都未得

賭王四房兒子何猷亨承認跟藝人陳瀅拍拖，《東網》記者致電他時，他表示：「係拍拖。（拍幾耐？）拍拖咁私人，覺得唔使向公眾交代。（點解咁罕有承認戀情？）證明呢個女仔喺我心目中嘅地位，行動證明咗。」

對「包養」反感

對於有傳猷亨「包養」陳瀅，並安排她住母親梁安琪的物業，他就強調陳瀅並非住在四太物業，對報道的「包養」字眼非常反感，他說：「絕對冇包養，男仔同女仔出街食飯，一人請一餐係咪包養？我自己都係打份工，養自己都未得，點養人？包養好侮辱，我屋企背景係另一回事，點解富裕背景嘅人同人拍拖就畀人咁寫？（陳瀅唔開心？）任何女仔畀人寫啲唔係事實嘅嘢，都唔會開心。」

四太罕有讚靚女

而四太梁安琪對於兒子何猷亨認與藝人陳瀅拍拖，她就罕有讚兒子女友好靚女，看來她對陳瀅印象不錯，她說：「見過陳瀅好多次。（猷亨帶畀你見？）唔係，喺無綫同保良局見過佢，靚女咪認得。（對佢印象唔錯？）記得佢部劇。（你畀佢哋拍拖？）唔係我o唔ok，都唔知個仔係咪。」

最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！

最強娛樂APP「東網巨星」下載連結：

http://on.cc/redirect/entertainment