梁烈唯讚黃宗澤堅強甚少提家事

藝人黃宗澤（Bosco）為亡父黃廣義在紅磡世界殯儀館設靈，圈中好友梁烈唯約於晚上七時到場致祭，唯唯表示雖不認識黃父，仍希望前來問候Bosco，他表示知道黃父生前患病，但Bosco相當堅強，甚少提起家事，說：「佢自己會搞掂，唔會點同人講，只係有一次講開健康重要性，講到爸爸有病，擔心龐大醫藥費。（Bosco搵你傾心事？）冇嘅，我都係睇微博知道佢爸爸走咗，我有喺WhatsApp關心佢，相信如果佢有需要，會搵我哋，依家要畀啲時間佢自己處理問題，例如情緒上，畀佢知身邊有朋友關心。」