梅艷芳悼念晚會　歌迷爭取興建紀念館

已故天后梅艷芳（阿梅）逝世12周年，其歌迷會在藝穗會舉行悼念晚會。

對於阿梅的骨灰位在大嶼山海會塔的消息到今日才曝光，歌迷會會長蘇小姐接受《東網》訪問時透露，這十幾年來，歌迷一早都知道，而且經常去拜祭阿梅，不過沒有人問，所以沒有講出來。問骨灰位沒有用真名，而寫上「珠女」？蘇小姐說：「依佢屋企人安排，我哋唔知。係我哋後尾自己搵番嚟，初初去到都唔知邊個位係，搵咗好耐。」

梅家唔想講骨灰位

問蘇小姐如何發現「珠女」就是阿梅的骨灰位，她解釋有一日去了澳門的老人院做探訪，收到電話，歌迷發現該骨灰位，就覺得一定是阿梅，因為之前跟梅媽談話中得悉阿梅的乳名就是「珠女」，所以都沒有向梅媽求證，蘇小姐說：「見到佢（阿梅）嘅朋友、徒弟有去拜，就知道係。既然屋企人低調唔想講，就唔問。（搵到之後覺得心痛？）因為少啲人打理同修葺，以前吊車站未起，好辛苦。」

歌迷投回阿梅獎項

問現在骨灰位曝光，可會想更多人前來拜祭？她表示歌迷會一向都知：「最緊要有心，屋企人低調唔想講，就唔講，如果講咗出嚟怕屋企人唔鍾意又唔係幾好。」蘇小姐又話報道出了之後，都沒有收到阿梅家人電話，亦不知道對方是否知道骨灰位曝光，今次是純粹巧合：「好多嘢好突然，又拍賣，好多嘢發生。」提到拍賣會，蘇小姐表示有很多獎項都是演藝人協會叫歌迷幫忙投回來，而部分衣物就有歌迷投來紀念。

另外，她又表示會積極爭取興建紀念館：「都拖咗咁耐，屋企人會同政府講。如果真係冇嘅，我哋舊年都有展覽，之前北京都搞咗個小型展覽。」