捕獲郭富城方媛上海拍拖 速食廿小時
天王郭富城月中突然喺網上放咗張拖手相放閃，認戀上海嫩模方媛，消息一出震驚中港台娛圈。
城城依家雖然忙住喺上海拍攝電影《永不消逝的電波》，不過十二月依啲大時大節，拖都點要拍嘅，女朋友點都要見嘅，唔知係咪已經公開戀情所以一啲都唔避忌呢，呢日佢就畀內地傳媒影到，一收工就去咗會女友。當晚，城城落車冇耐，就見到戴住口罩嘅方媛出現喇，佢哋入咗間餐廳食晚飯，席間佢哋都各自狂睇電話，冇乜親密動作，不過城城喺方媛面前都毫無天王架子，連剔牙都冇遮住。
食完飯，佢哋就入咗間咖啡店，依個時候方媛就拎住電話同城城狂Selfie，又隔空咀嘴、又貼面笑晒咁，勁Sweet；之後佢哋就去咗睇戲，絕對唔係即興架，因為城城已經一早包咗場喇，天王拍拖真係唔同啲嘅！
睇完戲佢哋又餓喇，去咗食宵夜和甜品，食到凌晨三時佢哋齊齊返城城下榻嘅酒店過番個甜蜜嘅晚上，事後第二朝一早，方媛就自己坐的士離開，唔使城城管接管送，見得十幾個鐘都冇怨言唔黐身，幾乖巧！
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：