陳奕迅澳門騷清唱《心債》懷念阿梅

陳奕迅（Eason）昨晚於澳門舉行一連兩場「Another Eason’Life 世界巡迴演唱會」，今晚更與觀眾一同倒數歡度2016年。昨日是梅艷芳的死忌，在安歌部分，Eason向觀眾說：「今日係一個特別日子，我希望可以借大家三分鐘時間，同我一齊回憶下，陪我想念下呢個人。」然後拿着一張歌詞紙，在燈光昏暗下清唱了阿梅的《心債》，唱畢揮手向天送上一吻。

「人真係要接受哀傷，先可以向前。」

完場後，Eason表示到到澳門後，一直在聽梅姐的歌曲，他說：「2003年12月30日，我喺醫院一齊送佢走。今日係一個咁特別紀念日，所以我諗不如唱隻歌懷念下，自己都掛住佢，心裏想做少少嘢表示對佢一種尊重。」至於揀選唱《心債》，因為這首歌不單讓他對梅姐有回憶，也有很多他的童年回憶在裏面，令他回想起細個一個人在家睇《香城浪子》的日子，顧嘉煇曲，黃霑詞，又簡單又直接，就能打動人心。他說：「唱完《心債》，我冇諗太多，按rundown進行，唱準備好嘅《明年今日》，因為《心債》，大家沉靜咗，當我唱到『人總需要勇敢生存…我還是重新許願』時更加感受到，人真係要接受哀傷，先可以向前。」

最好燒晒自己遺物

之前一個月Eason一直於美加巡迴，對於梅艷芳遺物被拍賣一事，他坦言了解不多：「依家搞成點？如果要幫手我都願意幫。」當他知道大部分遺物已經被投回保存，他就提議是否應該有一個梅艷芳博物館，他又認為 :「將來我啲物件，最好唔好keep，燒晒佢，唔好煩！哈哈。」

對物欲要求愈嚟愈低

由2013巡唱至2015，Eason已經創下唱了107場紀錄，澳門站完畢後，他會休息到2016年二月，又再繼續巡迴，他說：「之後仲有馬來西亞、台灣、大陸一啲地方，好似仲有二十幾場先完。」一個演唱會唱足三年，不過Eason不單沒有言倦，還愈唱愈開心，演唱會的製作上不停有變化，又適時轉換歌單，令歌迷每次入場也有新意。問到Eason有甚麼新年願望？他說：「其實我真係冇咩新年願望，最緊要健康。人大咗，對物欲要求愈來愈低，美酒跑車相機金錶都唔係好恨啦，我個電話mon裂咗我都未換，仲用得。」

想出全創作碟

去年購入獨立豪宅，Eason自言已經好滿意好滿足根本唔想出街：「做咗咁多年，應該係時候做番一啲嘢係自己真正想做嘅。所以，未來我或者唔會再一年出一隻唱片，有好歌就出單曲，然後由單曲集成，先出唱片，我又希望可以奢侈一點，做一張屬於我自己全創作唱片，自己作曲寫詞，趁有人仲想聽我唱歌，唱下一些自己真正想對大家講嘅心聲。」

想令香港人開心

除了音樂之外，他又謂希望做一下善事，因為他發覺香港人很不開心，他希望可以用自己空閒的時間去身體力行，從娛樂角度出發，去令香港人開心，或者免費去深水埗唱歌，或者去接觸一下一些自閉青年，令他們可以有信心重投社會：「不過我依家真係冇槪念，等我停落嚟，我再仔細去諗吓去計劃。」

最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！

最強娛樂APP「東網巨星」下載連結：