成功需努力！吳業坤2016挑戰紅館騷

入行5年做過路人甲、扮過女人的「巨聲幫」歌手吳業坤，在早前的勁歌金曲頒獎禮上演「爆喊」霧化鏡片一幕，贏盡全城民望。最新一期《好報》中，吳業坤在居住多年的樂富橫頭磡邨，自揭在單親家庭成長，常在貧窮線上浮游。身為「公屋新人王」的他，在「冇父幹」下為事業打拼，2016年他更將越級挑戰上紅館開個唱！

叱咤殺入五強

在明晚舉行的《叱咤樂壇流行榜頒獎典禮》上，吳業坤憑首隻主打歌《原來她不夠愛我》入選「我最喜愛的歌曲」最後五強，其餘入圍的均是天王、天后級歌手如楊千嬅、張敬軒、謝安琪等，但坤坤卻以新人姿態向多位前輩「挑機」！

據知坤坤所屬的星娛樂唱片公司，將投放大量資源，其中一個目標就是在紅館開騷。星娛樂唱片公司總經理Tommy Chu，接受《東網》電話訪問承認此事：「之前佢同張紋嘉、羅孝勇同張惠雅喺九展搞咗個演唱會試水溫。依家見佢走勢咁勁，2016年一定會幫佢搞個人騷，唔排除會越級挑戰紅館，將全部資源投放喺佢身上。（夠歌？）大家聽吓佢上網唱人哋嘅歌啦，佢唱林憶蓮嘅《願》真係好好聽！」

被公司重用的吳業坤，他受訪時聞言會被力捧及殺入紅館，直言驚訝不已：「嘩，嚇死！公司有信心，咁我就有信心，我更加要畀300％嘅努力。唔會太大壓力嘅，做人要有目標，目前都係想做多啲好歌。（夠歌開個唱？）所以依家咪要加把勁造多啲歌！」

keep住做平民坤

身為公屋新人王的吳業坤，未有因人氣強勁而一改平民化生活，保持一貫節儉習慣。日前吳業坤被《東網》拍得與男友人到樂富平民餐廳食飯，食足45分鐘！之後被拍得拍劇後，到坑口的大牌檔醫肚，即使其他食客眼望望，也未有理會。吳業坤說：「我未紅，生活都係照常咁落街，我份人好怕醜，出街會戴口罩同低頭按電話，多街坊支持係開心，但唔會沉溺呢啲感覺，否則變虛榮。」對於在《好報》訪問中，提到一年只見父親兩、三次，並叫父親生性，他強調：「我同爸爸只係少聯絡，唔係咩十冤九仇。唔係憎佢，有咁大件事（離婚），令我耿耿於懷，我對佢有一份家人嘅愛。我媽咪50幾歲，都想佢提早享福。」

最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！

最強娛樂APP「東網巨星」下載連結：

http://on.cc/redirect/entertainment