2016忙到爆　陳展鵬拍劇又開演唱會

藝人陳展鵬及陳山聰於大埔超級城，出席「狂歡倒數迎2016」活動。期間於今年勇奪兩項「視帝」獎項的展鵬人氣爆燈，而他亦於遊戲中與觀眾牽手及攬腰地貼身共舞，落力迷暈女粉絲！

談到2016年願望，展鵬首先祝願自己與家人身體健康，又希望自己拍攝的無綫劇集《城寨英雄》能於來年的檔期得以播映。他笑言自己於劇中要「打勻」所有對手而感到辛苦，又自爆當中不免扭傷手腳。問到他有否打算明年再「衝擊」視帝獎項？直言今年大豐收的展鵬大方笑言：「如果角色得觀眾鍾意，好多嘢會跟住嚟！」

會唱劇集主題曲同插曲

展鵬透露心思思於下年多唱劇集主題曲及插曲，以準備舉行個人演唱會：「唱多啲歌去開個人Mini Concert，目前得5首歌。（又唱歌又拍劇？）係好忙，要拍《巨輪II》同《廉政行動2016》。」

恨拍拖想搵玄學家指點

談到展鵬是否忙得沒時間拍拖？他笑言想拍拖，更要玄學家指點迷津：「遇到咪拍，有冇玄學家介紹？（唔抗拒拍拖？）由出世開始都唔抗拒！」