呂慧儀再披婚紗　老公冇眼睇

藝人呂慧儀（Koni）以新娘look現身機場酒店，與張頴康、歐陽震華及滕麗名等拍攝無綫劇集《一屋老友記》。

與張頴康飾演一對新人的她稱讚劇組準備的道具婚紗照及擺設相當精美，又自爆想與老公黃文迪在港再影婚照作情人節禮物，她說：「好懷愐當時自己結婚。（專程為套劇影婚照？）係呀，想叫老公再影過。當時我哋喺外地影，應該喺香港再影當情人節禮物。」Koni又笑言老公「冇眼睇」自己再披嫁衣：「本身想帶蟹籽嚟開工，最後就冇。老公就話冇眼睇！」

她又笑言因不擅忍笑而狂NG，故被劇組改花名為「焗蟹」。Koni自爆於劇中被歐陽震華噴到滿面「通經水」，她說：「劇中佢飲錯我杯『通經水』就噴落我度，我以為避到，點知避唔到就成面水。」