【奇迹】吳業坤拎叱咤我最喜愛男歌手！
20160101
東網電視
更多新聞短片
吳業坤喺咜咤史上第一個以新人姿態拎最喜愛男歌手嘅人，真係恭喜晒。
「我最喜愛組合」由組合SUPPER MOMENT奪得。佢哋話：「有個音樂人話我哋知，音樂家係應該分享自己嘅生活STYLE」，臨尾仲好有意義咁話：「堅持就會有出路。」
而「我最喜愛男歌手」嘅得主，可能大家都以為係陳奕迅或張敬軒，不過當司儀話係史上第一個，以新力軍姿態上嚟攞呢個獎嘅時候，鏡頭即刻影住吳業坤，之後喺全場歡呼聲之下，吳業坤上台攞獎，佢喺上台之前，先向四面觀眾鞠躬，然後上到台未開始講嘢已扯晒蝦。
森美搞笑話：「你有冇後悔冇着長褲。」坤坤表示後悔着咁窄，之後勁激動，手超級震，坤坤說：「我冇準備，冇諗過，呢個我冇準備張紙。」之後停咗一陣，再說：「我一開始完咗《巨星》後，我想唱歌，點解我唔知，喺嗰一刻我覺得每首歌都係有意義嘅，我淨係知我想唱歌，有fans五年前已經話喜歡我，但佢哋知我冇歌，又話我傻吓傻吓，偽毒，多謝佢哋喺我一事無成，支持到我依家，多謝！」
之後坤坤又激動話：「我唔講，我喊唔到，因為手好震。」最後又大叫：「我吳業坤喺呢個香港樂壇入面唔係玩玩吓，我知我着短窄褲唔啱，仲要戴唔襯我嘅眼鏡，有機會我會唱好歌，繼續食好東西！」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：