謝安琪「幸運」宣言多謝張繼聰
20160101
東網電視
更多新聞短片
謝安琪奪最喜愛女歌手獎，佢仲話遇到張繼聰係佢最大嘅幸運。
《叱咤頒獎典禮》頒到最喜愛女歌手獎，得獎者係謝安琪，計埋今年已經係佢連續四年拎到呢個獎。Kay上台時已經開始哽咽：「入行開始，我都冇諗過自己會成為大家喜愛嘅歌手。」Kay又講當初入行係因為太鍾意廣東歌，所以想加入廣東話樂壇做多啲唔類型嘅歌。
之後Kay又話頭先見到吳業坤拎獎覺得好感觸：「我哋一齊拍劇，我哋一齊努力，我哋都要做好自己嘅角色，我哋大家都知道，無論依家我哋做緊咩，我哋最想做嘅嘢始終都係唱歌！」
最後Kay多謝老公張繼聰一直以嚟嘅支持：「好多謝佢，呢個人同我一齊出道，入同一間唱片公司。每當我做得好努力，但唔得支持嘅時候覺得好沮喪，但佢永遠支持我。」Kay又話遇到張繼聰係自己嘅幸運：「佢教我點做一個快樂嘅人，佢永遠係我最忠實嘅樂迷，會畀最持平嘅意見我。每當我有唔好嘅情緒，佢都會自己一個哽晒佢，依家我嫁咗畀佢，佢當我如珠如寶，如果冇佢，我都做唔到大家喜愛嘅女歌手！好多謝佢！」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：