麥浚龍（Juno）憑專輯《Addendum》勇奪得至尊唱片大獎，Juno接過獎到後台受訪說：「一個橫跨十二年嘅愛情故事，冇諗過牽動咁大嘅情緒風波，透過唔同人去合作，一張專輯唔係只係以單曲形式出現，係可以連貫性、故事性。」Juno坦言感沉重：「得到呢個獎對我嚟講好沉重，因為參與單位實在多，過程唔易，同時間我係寫緊電影劇本，係比較困身。」

2016年雙線發展

由於他在台上多謝拍拖多時的女友，Juno說：「唔係第一次多謝佢，好多時拍戲、做專輯都要好多有私人生活、經歷，頭先最感動係DJ攞番晒我啲碟出嚟作出簡易分析，包含我喺行內12年心路歷程。」問到有否計劃過奪甚麼獎就公布婚訊？Juno說：「冇，依家呢個獎仲係平伏，未諗有下一個要宣布。（佢有冇嚟？）唔清楚。」並透露自己2009年後再未有參加頒獎禮：「我對樂壇頒獎禮有種強烈歸屬感，始終係歌手出身，繼續做好音樂。（今年再寫歌？）其實已經有隻碟差唔多做好，2016年接咗套戲要去拍，希望可以雙線發展，一路都好想做紅館演唱會，希望可以2017年做。」