不愁寂寞　單身許瑋甯孖楊丞琳賀新年

台灣女星許瑋甯雖然同拍拖多年嘅阮經天分手，不過回復單身嘅佢亦不愁寂寞，早前就有閨密林心如陪佢共度聖誕節，呢日許瑋甯又與高中同班同學兼圈中好友楊丞琳及其他好友聚會，喜迎新一年，又留言 ：「Happy new year my dear friends（親愛的朋友新年快樂）」見有好友相伴嘅許瑋甯同楊丞琳嘟嘴合照，心情大靚，一時開心舉V，一時又擺出心形Pose，雖然真命天子仲未出現，不過有朋友陪伴，許瑋甯一樣過得好幸福！