婚紗Look露玄機 24歲李蘊內地秘嫁

20160103
東網電視
更多新聞短片
嘩!李蘊失驚無神咁就嫁咗,超爆!
娛樂圈成日都發生一啲失驚無神恭喜你嘅事!呢日,又有超級大驚喜,就係曾經先後講過希望喺三十歲及廿五歲前嫁人、同金融才俊男友羅章冠感情穩定嘅李蘊,佢嘅兩位好朋友何超蓮同鄧紫棋,前後腳上載一張三姊妹合照,照片所見,李蘊着住婚紗,頭戴新娘后冠,而鄧紫棋同超蓮都着到靚一靚。超蓮仲留言:「看着你們開始談戀愛到現在走到結婚步入禮堂,實在是太替你開心了!感動到眼淚一直流。寶貝你會一直幸福到老的!我愛你。」
好姊妹前後腳踢爆
嘩!超蓮呢個留言,已經嚇咗大家一大跳,齊齊高呼李蘊唔聲唔聲嚇你一驚。再睇吓鄧紫棋,佢嘅留言同超蓮都好吻合:「想起我們曾一起在家裏哭、想起曾經受傷的妳是如何慢慢遇到幸福,這一刻真的很感動!你很美,從內到外!你是最美的新娘!」而之後,鄧紫棋仲上載咗一對新人march in嘅片段。
經理人唔排除有喜
兩個都講到咁似層層,《東網》自然第一時間求證係咪真啦!鄧紫棋就承認李蘊的確喺內地舉行緊婚禮,李蘊經理人PETER CHIU都承認佢今日結婚,仲話:「佢之前有同我提過,但因為我有工作,所以冇去到婚禮。佢稍後會喺香港擺酒,但唔知日期。」問到PETER李蘊是否有喜才結婚,他不置可否謂:「唔知,如果係都會恭喜佢。」
李蘊:今天太忙了
之後,李蘊亦親自回覆《東網》,並表示:「已註冊了好一段時間,今天才在海南島一酒店補擺喜宴。因為今天太忙了,又要招呼嘉賓,所以今天不會聽電話了。明天才有時間接聽電話。」
最強娛樂APP《東網巨星》,除咗特備遊戲節目《巨星放題》外,每個禮拜都仲有好多其他精彩娛樂節目。預知未來,相信好多人都希望做到,《東網巨星》APP其中一個重點節目《玄學星相》,除咗教識大家點樣催吉避凶,仲會以玄學角度,幫大家八盡每周娛樂熱話㗎!
最強娛樂APP「東網巨星」下載連結: