定欣請食飯 陳豪遲大到被噓尷尬耍冧

20160103
東網電視
更多新聞短片
陳豪遲到近一小時,即引來全場「噓」聲四起。
剛奪視后的胡定欣晚上於尖沙咀,宴請無綫劇《鬼同你OT》一眾台前幕後食飯,遲到近一小時的陳豪甫到埗,即引來全場「噓」聲四起,他只好尷尬笑住合十道歉。
事後,陳豪解釋全因要湊兩個仔所致:「呢個時間最尷尬,係湊仔最忙嘅時候,又要幫佢哋沖涼、食飯、氹瞓覺,依家屋企兩頭唔到岸,屋企未搞掂又要趕過嚟,點知就遲咗咁多。(諗過唔嚟?)唔得,咁開心梗係要嚟啦。」
湊B親力親為
陳豪又自言會幫太太陳茵媺(Aimee)手,兩人在家中照顧兩位少爺已手忙腳亂,即將迎接第三胎的他們怎麼辦?陳豪笑謂:「多啲嚟密啲手,咁啱呢個時間BB要瞓覺啫。(請多個工人?)唔關事,已經有兩個,但佢哋係輔助形式,我同Aimee都主張親力親為、自己湊,我覺得親子好重要,小朋友呢段時間好短要珍惜,好似個大仔眨吓眼就兩歲,已經開始又跑又跳又講嘢,全部都唔一樣,依家細仔仲係BB,所以要珍惜呢段咁短嘅光陰。」
難控制時間
問到會否影響工作?陳豪否認道:「冇,咁啱啫,食飯呢啲casual嘢冇乜所謂。」當記者踢爆探班曾遲到,陳豪一臉尷尬地說:「好忙㗎,做爹哋嘅嘢唔到我控制㗎啲時間,盡量揸緊啲啦。」隨即扯開話題,他表示難得定欣請食飯好開心。問到遲大到的他會否埋單作補償?陳豪再次尷尬笑道:「人哋(攞獎)咁開心!遲啲開工再講啦,好嘢!」
最強娛樂APP《東網巨星》,除咗特備遊戲節目《巨星放題》外,每個禮拜都仲有好多其他精彩娛樂節目。預知未來,相信好多人都希望做到,《東網巨星》APP其中一個重點節目《玄學星相》,除咗教識大家點樣催吉避凶,仲會以玄學角度,幫大家八盡每周娛樂熱話㗎!
最強娛樂APP「東網巨星」下載連結: