藝人蔡思貝及洪永城出席劇集《味想天開》煞科宴，思貝表示劇中有不少吊威吔場面，昨日就拍攝了一場水中為洪永城人工呼吸的劇情，但因他們在陸地拍攝，其後靠後期製作，思貝直言甚考想像力：「要靠幻想都幾好玩，但吊威吔太多次，肩膊都有啲隱隱作痛。（咀咗幾多次？）幾次囉！佢搞笑話畀咗錢工作人員呀，所以有得拍幾次，我螢幕初吻一早畀咗蕭正楠，拍呢套《味》劇好開心，已經約咗洪永城十年後再睇番呢套劇。」

問到拍咀戲有否向排舞師男友麥秋成請示？思貝似默認對方地位：「唔使喎！呢啲係工作，大家都係專業。」她又表示之後想請一個月假期，多做運動及睇中醫，答案跟洪永城一模一樣，她得知後笑說：「我哋合作都覺得有『邪』，成日都講埋同一樣嘅嘢，好多方面都幾似，但有時因為堅持己見嗌交。」而提到之前飽受困擾的學歷問題是否已解決？思貝說：「我一路冇理，警方冇搵過我，件事只係啲網友喺度講，我自己知係咩情況就足夠，冇諗太多。」