N次鬧婚變！石貞善Share文章暗示情已逝？

台灣藝人吳建豪2013年同新加坡富家千金石貞善（Arissa）結婚後，多次傳出婚變，Arissa亦不時喺社交網發表有關對愛情嘅感言，令二人關係撲朔迷離，沉寂咗一排冇發表感言嘅Arissa，前日喺社交網轉載作家Paulo Coelho嘅文章，內容講到往事已逝，提醒自己要學識放手，展開人生新一頁嘅意思。文章仲寫到「沒有甚麼事情比起不願接受情已逝更危險」，因而令網民紛紛揣測吳建豪同Arissa婚姻係咪再次陷入危機。