鬧不和?李幸倪加盟環球未獲吳雨霏祝賀

20160105
東網電視
更多新聞短片
Gin Lee(左圖)加盟環球,一班同門師兄師姐都有以行動支持佢,不過卻未見師姐吳雨霏嘅蹤影。
歌手李幸倪(Gin Lee)出席加盟環球唱片記者會,吸引不少各大電台高層撐場,唱功了得的Gin Lee即場大展歌喉,連唱兩首歌曲,接住再唱出環球頭炮歌曲《雙雙》,更獲一眾環球師兄師姐拍片祝賀,包括:溫拿、陳慧嫻、劉美君、李克勤、陳慧琳、陳奕迅及張學友,就連當日參加內地歌唱比賽的導師周杰倫亦有拍片,氹得Gin Lee不斷笑,自封是環球大家長的譚詠麟(阿倫)以神秘嘉賓出現,並送上No.1金牌寓意Gin Lee可短期跑出,同時亦與香港環球唱片董事總經理黃劍濤即場進行簽約儀式。
記者會上,Gin Lee的父母亦有專程到場為愛女打氣,並大方上台與Gin Lee影合照。穿上短裙騷白滑美腿的Gin Lee受訪時,對於有傳師姐吳雨霏(Kary)不滿她加盟環球而扭計,Gin Lee否認說:「唔係,啱啱加入大家庭。(即刻有是非?)一班師兄、師姐都好支持我,佢好似放緊假。」由於Kary未有拍片祝賀,令不和傳聞更添真實性,Gin Lee一臉無奈說:「VCR唔係我安排,我哋冇嘢,之後都有合作過,冇咁嘅事。」
已於2014年底簽約環球的她,被問到是否等了很久?Gin Lee說:「搵好公司搵好耐,中間有段時間喺大陸參加兩個比賽,時間好漫長,好開心正式加入環球。」她希望有機會接拍電影。至於樂隊Mr.與環球鬧不快,Gin Lee說:「我對公司好有信心,每年都會出一張專輯。」並透露她一直居於香港。