阿倫都學吳業坤 眼鏡起晒霧！
20160105
東網電視
更多新聞短片
阿倫果然跟得上潮流！
譚詠麟（阿倫）出席李幸倪加盟環球記者會，對於眼鏡突然出霧，令人聯想「新人王」吳業坤之前喺頒獎禮眼鏡起霧事件，阿倫笑說：「後生身體好。（激凸？）哎呀，今日冇着格仔褲（吳業坤當日穿是間條短褲）。（有睇吳業坤攞獎片？）有睇，咁得意，諗唔到自己上身（指變成吳業坤），應該着格仔褲。（想小倫出頭天？）多事。」
對於一手提攜的樂隊Mr.與環球鬧不快，阿倫避談說：「今日唔好講呢啲嘢，任何嘢都會令藝人同公司受損，我有帶佢哋做嘢，唔係大家諗得咁淒涼。」隨即大讚李幸倪唱功，並恭喜環球簽到她，阿倫說：「如果第二間簽咗就會變成武器。（學友想同佢合作，你使唔使搶頭啖湯？）唔使，互相合作，有睇佢參加比賽，唔使畀貼士佢。」
對於李克勤因行李箱問題，被網民封為「Barcode勤」，又慘遭網友改歌詞，阿倫說：「有睇埋歌詞，相信佢唔會嬲，經一事、長一智。（佢即道歉知錯能改？）好事，大個仔識處理。」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：