方力申連咀兩次 Stephy冧爆感動落淚
20160106
東網電視
更多新聞短片
方力申大方當眾咀Stephy，唔講以為佢哋宣布結婚?呀！
藝人方力申（小方）與鄧麗欣（Stephy）出席新片《紀念日》慶功宴，慶祝新片截止1月6日，連優先場的票房衝破1300萬，導演葉念琛表示下周會推出加長版，比現時版本多12分鐘。
抱抱再連咀
方力申於台上指電影是二人合作十年的成果，又指現實中兩人拍拖亦即將踏入十周年紀念，望當日可以與Stephy過二人世界。小方又即席向女友Stephy送禮物零食籃，Stephy感動得流淚，二人再深情擁抱，男方更應要求錫了女友臉頰兩次，非常甜蜜！Stephy又講到拍攝時不敢見男友，怕戲中的情緒帶到現實中。
預先度蜜月？
Stephy表示對票房十分開心，她指當年《我的最愛》票房是1200萬，而今次新片的成績令她鬆一口氣，因為成功破了電影系列的票房紀錄。至於如果票房能衝破1500萬的目標，有何慶祝活動？小方說：「睇吓老闆請唔請去旅行啦，我之前喺內地拍戲都請去馬爾代夫，不過我冇時間去，若果票房有1500萬應該去啦，蘇梅都好，遠啲可以去瑞士，又或者淨係請我哋兩個！」
表演人肉雪球
被問會否以「咀嘴」答謝觀眾？Stephy就謂：「有咩好睇！」她又建議若票房好應叫方力申去瑞士脫掉衣服，自己負責影相。小方就表示可以在瑞士赤裸上身，下身穿單車泳褲，表演人肉雪球，但鄧麗欣則要穿泳裝坐雪車。
想Stephy入圍電影獎項
小方日前謂希望女友能憑此片入圍電影獎項，他說：「睇啲影評話佢值得入圍，但我睇嚟睇去都係我個名，對手都好重要㗎麻，你入圍記得多謝小弟！」而Stephy則謂未有想過，獲觀眾認同已感開心。
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：