林欣彤強調冇同補習天王分手：唔使擔心

歌手林欣彤（Mag）出席慶功宴，因《東網》日前拍得Mag夜訪富二代寓所後，即有讀者向《東網》爆料指Mag的富二代是補習天王Daivd Chiu，而兩人拍拖後，Mag的情緒病不時發作發脾氣，令Daivd Chiu都難頂要嗌分手。

情緒病已好番

問到Mag與Daivd的關係，她強調：「都冇一齊點分手，朋友嚟咋！（點解會去佢屋企？）其實係一班朋友食飯，我唔識路佢嚟帶路啫。」對被指情緒病發作令男方決定分手？Mag再謂：「啲人好有想像力，我依家生活好開心，情緒病已經係三年前嘅事，我好番好耐，大家唔使擔心我。」怕不怕因情緒病傳聞嚇怕追求者？Mag謂：「唔會啦，識得我嘅人都唔會咁諗我，唔怕嚇走。」

多謝英皇幫爭獎

問到簽約王祖藍新公司的進展？Mag稱：「仲傾緊，但都好多謝英皇，就自我約滿佢哋都繼續為我爭獎，攞到好成績。」