【處女同居】陳凱琳學做老婆嫁硬鄭嘉穎
自去年被《好報》率先踢爆「穎琳戀」後，男神鄭嘉穎一改以往作風，逐步公開與陳凱琳（Grace）的關係，儘管二人年紀相差22年，但愛情魔力驅使「穎琳」打得更火熱。為預祝2月拍拖一周年，加上嘉穎將離港搵真銀，嘉穎日前出動寶馬戰車，為Grace送上驚喜，帶她到大坑寓所附近餐廳食蛋糕慶祝。兩口子愈來愈夾，連呼吸也幾乎一致，恩愛到呢！
只見穿上皮褸、留住大撇鬍子的嘉穎男人味出晒，跟穿上外套Casual Wear打扮的Grace完全沒有格格不入，反而異常合拍，只要嘉穎眼神示意，Grace就讀懂男友心，難怪平日不苟言笑的嘉穎每次跟Grace出街，總是笑臉迎人，不再黑面。
笑話氹女友
嘉穎特意在下午人流不多的時間帶Grace入一間餐廳撐枱腳，一見男友預備的拍拖周年蛋糕，Grace登時心花怒放，二人邊食蛋糕邊流露出無限柔情。嘉穎平日不喜歡講笑，但對住女友卻變得口若懸河，笑話滔滔不絕，Grace反應十足，被嘉穎氹得笑意盈盈，又不時手舞足蹈，嘉穎只需拿着咖啡杯，報以一個眼神，Grace已心滿意足，冧到暈晒大浪！
風騷揮手出巡
畢竟Grace只得24歲，在男友面前賣萌是常識吧！見她不時嘟嘴又用拳頭擠香腮，少女味當堂出晒，她又表演萌戴冷帽，「卡娃兒」到連「石頭」嘉穎都融化。未幾Grace發現記者，不再像去年跟嘉穎金鐘鋸豬肋骨被撞破時嚇到「吞」拳頭，反而已習慣成為「嘉穎嫂」，大方向記者揮手，又笑晒指着記者「咁都畀你發現！」，如沐春風，嘉穎見記者拍照也變得冇乜所謂，報以微笑。吃飽飽後，二人取車準備離開，再向記者揮手Say Goodbye，嘉穎向記者再笑一笑後就上車，示意Grace離開。
飽暖要散步
「穎琳」食完嘢未有返歸，直駛跑馬地馬會會所，泊好車後，「穎琳」落車甜蜜散步，眾所周知嘉穎除了拍戲，嗜好不多，最叻打網球，是圈中出名的「Tennis王」，Grace乖巧到不得了，提議行去男友的「英雄地」網球場散步，只見兩口子十指緊扣，右手手心跟左手手心通了交流電，Chok上Chok下，甜蜜到不行，彷彿天地間只有他們二人。行到攰時，嘉穎停步，在球場邊叉腰插袋擺甫，似向Grace如數家珍講自己的網球威水史，Grace像小粉絲般細意傾聽，令嘉穎相當受落！期間嘉穎撞到男友人，打過招呼並介紹Grace這位「跟得」女友後，二人就取車離開，為免被記者跟蹤，先駛到銅鑼灣放低Grace，圖掩人耳目前後腳返回嘉穎Y.I愛巢。
「跟得女友」又靚又聽話
「穎琳」愈愛愈高調，去年6月被網民撞到在法國羅浮宮預支蜜月。其實「穎琳」爆戀情不久，嘉穎已公開講過自己年紀唔細，想搵個真命天女，Grace靚女之餘，家底又好，最緊要是聽教聽話，之前Grace講過連做戲都要先請教嘉穎，相處日久，據知嘉穎已疊埋心水今年娶Grace過門，令女友名正言順做「嘉穎嫂」。
買定紅酒家品返愛巢
知情人士說：「只要嘉穎一喺香港，Grace近日已上嘉穎大坑豪宅過半同居生活，今次都係Grace咁大個女處女（第一次）同居，都好嘅，咪當試吓婚先囉！相處落，佢哋又真係幾夾！」日前（本月五日）Grace出席活動時，被問到會否跟嘉穎去旅行，她竟自爆：「其實一齊喺屋企睇電影，已經好開心！」又曾透露學煲湯氹男友，印證二人已經同居。同居當然要準備日用品，日前Grace現身中環一家百貨公司，買定Hand Cream、家品和紅酒到嘉穎屋企，全部自己一個搞掂，生活瑣碎事全不用嘉穎操心。
約法三章拒異性埋身
不過，嘉穎始終大男人性格，據知已跟Grace約法三章，要求拒異性埋身，全天候獨享Grace，知情人士說：「大家可以睇番嘉穎上個月夜蒲，都要借林夏薇過橋禁女埋身，一於守身如玉，以身作則，Grace見男友咁乖，自己都聽晒話，唔敢同異性有不必要接觸啦！」過往Grace在社交網非常活躍，不時會甫異性合照，可是近日在其Instagram發現，她只會甫父母、細佬的生活照，就算是異性合照，頂多只是好友陳國峰求婚後的慶祝相，平時最多是擺工作花絮和生活點滴，「嘉穎Rules」完全不敢違，抵錫到暈！
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：