【就嚟做人夫】陳智燊咀高Ling遭宋熙年投訴
藝人高海寧（高Ling）及陳智燊（Jason）等於西貢，宣傳無綫劇集《愛情食物鏈》。期間劇中化身賣魚妹的高Ling於劏魚遊戲大晒純熟手勢，但仍不慣擦損玉手。至於首次劏魚的Jason則於刮鱗時被金剛取笑雞手鴨腳，對方又爆笑讀錯其未婚妻宋熙年（Sharon）的英文名：「你似足『擦背』咁，唔好掛住Shirley先！」
高Ling為拍劇被迫殺生
其後高Ling笑言為拍劇學劏魚而被迫殺生：「劏鱔最難，生命力太強要不斷傷害佢，令我唔舒服。」而Jason提到被金剛嗌錯其未婚妻姓名，他搞笑反擊對方英文差：「金剛咩語言都叻，除咗英文！佢成日都搞錯Sharon個名，講咗好多次喇。」
談到高Ling飾演的拜金賣魚妹會主動追求Jason，二人更有咀戲。Jason聞言自爆被Sharon「投訴」：「佢話『吓，又咀我啲好朋友？』問我係咪咀勻佢啲好姊妹先收工。」高Ling就笑稱經常當二人的電燈膽。
Jason透露與Sharon打算於今年11或12月擺酒結婚，但場地及模式仍然未定。
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：