細細粒攬實啜爆　Bob呻：壯烈犧牲

前年藝人林盛斌（Bob）同細細粒（陳嘉佳）喺無綫劇《老表，你好hea！》上演一場重口味嘅激吻戲，呢一幕唔少人都歷歷在目！估唔到呢對螢幕情侶近日為拍攝節目而重聚，唔知今次會唔會又有重口味場口呢？Bob今次喺微博上載咗同細細粒嘅合照，相中佢被細細粒肉緊錫面珠，雖然佢話係「壯烈犧牲」，但一班網友笑言佢係「痛苦並快樂着」，仲話佢哋愈睇愈有夫妻相。嘩！希望Bob老婆唔會嬲嬲豬啦！