生兒育女要認清楚　糖兄做生意好過買樓

歌手糖妹、糖兄（潘雲峰）、周國賢、伍定彥、日月系（若琪與李端嫻）、旺福出席Wow Music新年派對暨糖妹簽約儀式，提到糖妹續約後會買樓，糖兄表示知道拍檔一直想買置業，自己非亦常支持她：「佢好注重家庭，希望屋企人住得好啲，係孝順女嘅諗法。」

但糖兄卻有自己的想法，認為買樓之後要供樓，情願將錢拿去做生意：「可能搏一舖，因為百幾萬都可能畀唔到首期，但可能可以做到生意，再賺到多啲。」問將來想做哪方面的生意？他銳意飲食業：「路邊檔，例如麵線，因為我唔想再做魚蛋、燒賣，太多人做，我想做啲特別啲，或者喺台灣搵啲特別嘅小食番嚟，又或者自己自創啲嘢食。」原來糖兄經常下廚，特別是結婚之後。

留一首好歌畀糖妹

問造人計劃？糖兄表示暫時沒有計劃，因為與太太同樣有新工作要應付：「如果有咗小朋友，我怕抽唔到時間照顧得佢好好，所以呢一年應該唔會住，但我同太太都喜歡小朋友。」他又指與太太經常會想應該生小朋友還是養寵物較好：「我想同時進行，但會雙重辛苦，所以兩樣都唔敢做住，諗清楚先。」

而糖兄謂今年會完全集中創作音樂，例如幫糖妹寫歌：「阿妹好好，要出碟就第一時間要咗我嘅歌，我寫畀佢嘅歌係自己好鍾意嘅、特登留番畀佢嘅一首歌，我一路冇畀其他人聽過。」