城城演悟空嗌辛苦：拍文戲好似跳舞咁！
影星郭富城、羅仲謙與導演鄭保瑞現身屯門宣傳新片《西遊記之孫悟空三打白骨精》，三人坦言新片拍得相當辛苦，電影中城城與謙謙均以特效化妝配以假肌肉上陣，每次化妝都要花上5至6小時，導演鄭保瑞表示：「日日都好困難，化妝要4到6個鐘，得番6、7個鐘拍戲，成班演員都好辛苦。」而城城透露身穿野猴裝拍攝時最辛苦：「有兩個星期要着野猴裝拍，化妝時間好長，又唔飲得水，因為着咗套衫去唔到廁所！」活動現場有城城的悟空造型公仔，他笑言感到親切，但自言公仔唔似佢。
不欲多談戀事的城城，透露正忙為《西》進行廣東話配音工作，同時亦忙拍另一部電影《永不消逝的電波》。城城又謂未有機會睇自己演出：「嚟緊北京同香港都有首映禮，到時想帶媽媽去香港睇首映。（帶其他「朋友」？）私人生活就唔講啦！」談到今年有不少勁敵，問到對票房有信心？城城表示：「希望每部都百花齊放，有好多唔同嘅片種，自己都鍾意發哥（周潤發）同星仔（周星馳），希望都有好嘅票房。今次拍《西》係入行以嚟最辛苦，真心體力透支晒。（再諗續集？）真係冇諗過，呢四個月真係唔易捱，塊面都冇忽好肉，每日都要黐毛同着肌肉衫，拍文戲都好似跳PART舞咁！」
早前被爆包場與女友睇戲的城城，問到會否包場請「朋友」睇？他說：「希望啲朋友自己包啦！新年會返香港宣傳，但大部分時間喺上海拍戲。（唔係香港過年？）今年除夕要工作，陪唔到屋企人食飯。（叫「朋友」陪屋企人食飯？）我都返唔到啦！（帶媽媽去上海同「朋友」食？）唔好講呢啲啦，我知道大家關心我，希望都係放番喺工作上面啦。（情人節喺上海？）工作係工作。」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：