同男友有晒默契　黃智雯唔會今年結婚

藝人黃智雯在將軍澳出席商場活動，談到她在胡杏兒婚禮上接到花球。是否有望今年跑出成為人妻，她笑言：「唔會啦，胡定欣話有夫妻宮，其實嗰日喺我哋成班人用個apps去睇嗰啲紫微斗數，定欣睇完好開心，但聽啲前輩講今年係盲年，不宜嫁娶。」

她又自爆在期間發生烏龍事：「因為睇呢啲嘢係要有出生年月日同埋時辰，我畀完個人（資料）之後，佢懷疑係畀錯時間，我諗係媽咪大頭蝦記錯。」她坦言其實入行以來很少算命：「因為如果話你唔好唔係咁好，反而有啲surprise，順其自然好啲。」

問到她是否已與男友有共識何時結婚？她說：「無乜點傾，大家有默契。今年拍劇都要拍到年中。（拎視后先結婚？）唔會限死自己，想做多啲舞台上工作，搞吓show咁。」