認收何傲兒律師信　周子揚堅稱冇劈腿

何傲兒與前男友周子揚分手涉及金錢問題，今日傲兒出席活動時表示已向男方發律師信，周子揚接受《東網》電話訪問時，承認已收到傲兒及其胞姊何傲芝的律師信，並一改口風，多次表示希望盡快平息事件，他說：「唔回應咁多喇！交畀律師處理。（後悔之前激動爆料？）可能係累積同抑壓太耐有感而發，我承認激動咗！我哋曾經有段美好感情，但因為係公眾人物，要畀晒全港人睇，咁唔健康！」對於傲兒暗示有人有第三者，子揚澄清一直沒有劈腿：「冇第三者！我到依家仲係單身！」

提到傲兒表示自己是天主教徒嚴守教條，問子揚兩人是否沒有親熱行為？他說：「吓？呢啲都要講？太尷尬喇！（分手原因之一？）唔關事，我哋係正常男女朋友，絕對唔係呢啲問題，不嬲感情好好，分手係因為各方面壓力。」