吳克羣愁爆呻寂寞　網民喊搵新女友　

何家三房千金何超蓮自從同台灣歌手吳克羣分手後，一直都不愁寂寞，先後傳出被霍啟山同內地富二代劉根森力追，又不時約埋成班姊妹出去Happy！不過吳克羣就啱啱相反，成日都一支公，真係陰公豬！佢喺微博上載咗一條疑似自己去旅行嘅短片，兼好感性咁留言：「你可以一個人旅行嗎？一個人吃飯旅行，到處走走停停…一個人自己對話談心！你呢？你可以嗎？你喜歡嗎？為什（甚）麼？昨天和朋友們討論這個問題，有很多有趣的觀點…說說你的吧…」真係睇到都覺得寂寞！唔少網民都留言叫佢快啲搵番女朋友喎！