網民熱話：高Ling晒線誘食禁果
20160112
東網電視
更多新聞短片
嗚～叔叔不行了。
喺命理方面最強係咩線？無錯，就係事業線喇！同樣將呢條線套落女星身上，殺傷力亦一樣厲害！貴為「無綫咪神」嘅高海寧（高Ling），一向出席各大活動同頒獎典禮都唔吝嗇大晒身材，過往都喺劇集做靚女同女神嘅佢，喺尋晚播出嘅新一集《愛情食物鏈》中，雖然都只係播出咗第一集，但高Ling就已經喺一晚滿足晒大家兩個願望，令唔少網民都大叫話好幸福！
首集就見高Ling化身「蛇」引誘做「夏娃」嘅小儀食禁果，一嚟鏡頭已經注視落高Ling深長嘅事業線，在加上佢呢個咁妖豔嘅妝容，真係為呢個角色加咗唔少分，不過亦有唔少網友話高Ling太過濃妝，個樣就唔係咁討好！不過唔緊要！其實做「蛇」都係幻想情節嚟嘅，劇中高Ling係做女神，最鍾意就係參加speed dating搵真命天子，佢着上紅色低胸連身裙一入到場內，就已經吸引眾男士嘅目光，不過高Ling就似乎唔係好啱心水，最後喺食甜品嗰陣，因為要幫好朋友小儀解圍，突然起身餵其中一個男士食甜品，仲要烏低身夾出三吋事業線，嗲聲嗲氣咁講：「點呀？」一班網友睇完都止唔到鼻血，今次高Ling派一派福利就引嚟勁多網友討論！
雖然高Ling喺第一集就已經咁性感，不過亦有唔少網友留意佢演技，話佢多咗份女人味，令佢呢個女神角色更加入型入格，但有唔少網友心痛高Ling成日都咁性感，依家都只係差一個角色令佢成功彈起，睇好佢咁話！
網友有話兒：
豬XX女：其實一早應用高LING做女主角，佢係有演技，之前同煎PAN（陳展鵬）拍過戲，戲內佢鍾意煎PAN，有幕佢中槍臨死既（嘅）戲做得好好。
TSL8XXX05:暫時幾好，高Ling做得唔錯喎！
felXXXXuen：高寧真係正，小儀都唔差。
mXXXXkitXX14：高寧巧性感！
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：