陳柏宇音樂劇集結十年作品

歌手陳柏宇（Jason）與湯駿業（Ahdee）合作的音樂劇場早前五場門票一開售已售罄，三日後加開一場亦旋即賣清，唱片公司收到大批觀眾要求加場，故主辦一直與場館商討加場事宜，最終獲另一製作單位讓出一天的檔期，再加開2月20日日場及夜場最後2場，Jason直言感到興奮，更指勤於健身的關係對體能毫不擔心，反而擔心會唱錯歌詞：「今次集結我過去十年嘅新舊作品，有啲好耐冇唱，都驚唱錯歌詞，同劇情唔配合，所以依家都趕緊溫書！」

身為創作主腦的Ahdee則忙於為劇本作最後修訂和準備影片部份，更在綵排時特別用獨門秘方令角色「升呢」：「我哋排練嗰陣做咗好多特別練習，令大家可以透過練習搵到角色特質，觀眾喺欣賞嗰陣可以感受到一個好有觸感同質感嘅角色。」