黃翠如氹掂未來奶奶　成功融入蕭家

黃翠如同蕭正楠（Edwin）呢一對自拍拖以來，一路愛得甜蜜，仲成日隔空傳情，早排佢哋不約而同去咗日本，其實大家都唔知，不過同一日入面翠如上載自己嘅單人相，而蕭正楠就上載自己CHOK爆日本街頭嘅相，齊齊自洩行蹤，好容易就畀人聯想到佢哋一齊去旅行。

今日有報道指「如楠」去咗大阪旅行，仲話佢哋喺街頭互餵非常甜蜜，同行仲有蕭媽媽、蕭正楠妹妹，全程翠如同未來奶奶非常合拍，對此，翠如接受《東網》訪問時表示：「我同佢屋企人好friend，所以大家一齊開心去旅行囉！」問到蕭媽媽是否都很愛錫她時，翠如笑言：「係㗎！對我好過對佢㗎！再講佢會呷醋，所以費事講咁多。」

最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！

最強娛樂APP「東網巨星」下載連結：

http://on.cc/redirect/entertainment