熊黛林冧掂未來奶奶：多咗個媽咪

名模熊黛林（Lynn）現身澳門出席新濠影滙的魔術滙演「魔幻間」，並擔任壓軸嘉賓參與魔術表演。首次參與魔術表演的她，出場後與觀眾打招呼，非常親民。原本台上只有一個鐵架，被蓋上幕後，Lynn則施展「法術」將一架火紅色法拉利變出來。雖然魔術簡單，觀眾都看得非常投入，舉機拍照。

要帶男友去玩

對於是次魔術，Lynn自言給自己100分：「我第一次變魔術，都算成功呀！通常魔術係男仔玩嘛。」問到男友郭可頌是否會表演魔術？她說：「佢唔識，同我睇就有份，下次帶埋佢嚟。」她坦言今次來澳門看表演非常難得：「未試過嚟澳門玩，又有Batman劇院，好正！」她又稱表演前十分緊張：「之前試過初級嘅魔術，扮拎啲嘢飛嚟飛去，今次好勁！（夠唔夠膽挑戰高難度魔術？）要着波鞋先得，着高踭鞋玩唔到。」

同郭家相處融洽

問到是否要到農曆新年才有空與男友拍拖？Lynn冧爆表示：「日日都拍拖，不過呢幾日要拍戲。（新年去男友家拜年？）初一、二我喺南京。（計劃同男友二人世界旅行？）想呀，今次family trip好開心，未試過同男友屋企人去旅行，大家好多時間相處，互相了解多啲。佢家姐（郭可盈）同媽咪好錫我，互相遷就，當我係屋企人。（未來奶奶滿意你？）唔敢問，好似多咗個媽咪，應該OK。」

一早Ready　趕今年結婚？

問到是否好事近？她笑得甜絲絲說：「唔知呢。（Ready結婚？）好耐啦！」記者指Lynn屬猴今年為本命年，要舉辦喜事沖喜，她坦言：「睇吓趕唔趕得切啦！（同男友有冇共識？）大事交畀佢話事，小事先我理，哈哈。其實我怕煩。」再追問是否已求婚？她表示結婚會向大家公布。

最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！

最強娛樂APP「東網巨星」下載連結：

http://on.cc/redirect/entertainment