余曉彤坐完月即開工　心急想潛水

運動型女模余曉彤（Hidy）早前誕下BB女Willa，熱愛潛水的她坐完月三天後便急不及待復工，參與潛水會簽名會，以及接替鄭浩南獲委任為亞洲區環球大使，當日Hidy為現場200位潛水人員簽海報，她說：「我會繼續努力推廣潛水，令更多人認識海洋，而且我唔介意凍，已經籌備緊出海潛水喇！（坐完月咁快就復工？）係呀！我係工作狂，大肚初期都照拍行山節目，坐月嗰陣大補特補，係咁食豬腳薑食到驚，坐完月就好似放監咁，我好掛住工作時候嘅自己，但依家仲未回復生仔前嘅身材，要勤力啲操練下呀！」