前晚藝人江美儀亮相為李思捷、單立文及Palwerful Band一連兩場的演唱會《今晚豹制李》擔任嘉賓，上演短劇時露出性感黑色Corset（緊身胸衣）配誘人吊帶襪睇到在場人士嘩嘩叫！

江美儀出接受《東網》電話訪問，表示曾擔心打扮太性感，說：「我驚嚇到觀眾要即場驅鬼！」不過當知道大家大讚她索爆時，她笑言：「本身真係好索，一直有keep fit！嗰套衫係我代言嘅廣告商專登為我訂造嘅。（考慮出寫真？）幾廿歲仲出咩，咪玩啦！」當記者提到去年羅霖亦出了寫真時，江美儀亦鬆口表示要問准男友：「羅霖係美魔女，我唔係啊。不過大家如果有興趣，可以問我男友（吳君祥），佢係我經理人兼經手人。佢ok我都ok。（真係？）未殺到埋身，隨緣啦。」