大仔炒車嚇餐死 秋生心痛流下男兒淚
20160117
東網電視
更多新聞短片
秋生一度為仔仔流下男兒淚。
黃秋生在微博貼出一張車輛被撞至扭曲變形的照片，並寫道：「撞到這樣都生還，我很感恩，感謝主。」
「話佢入院已經冇呼吸」
秋生接受《東網》電話訪問時表示：「唔係我撞車，係我去咗美國讀書嘅大仔（黃一一），佢坐佢朋友開嘅車，撞樹反車，我唔係好記得係邊日，我諗大約喺13號，收到消息嗰刻，啲人仲話佢入院已經冇呼吸，我梗係擔心，但我都過唔到去，一來我要做舞台劇，二來我冇美國簽證，所以我老婆過咗去。到我老婆去到當地，見個仔已經醒番，喺度換衫，我喺電話聽佢把聲有神有氣，咁我都放心晒。」
秋生攬住阿媽喊
秋生回憶自己未確定兒子無大恙之前，一度流下男兒淚，他說：「我喺香港等老婆消息期間，有日我攬住阿媽喊，佢掃吓我手話：『唔使驚，上天將所有好嘅嘢都畀晒我。』聽完呢句，我更加忍唔住！」秋生續言：「後尾知道個仔醒番行得走得，只係要戴頸箍，同埋做物理治療，我個仔彈琴，啲護士都話佢可以照彈，冇問題！」
慶幸仔仔無毀容
秋生表示現在每天都會跟兒子電話聯絡，問到會不會提醒他坐人車要帶眼識人？他說：「執番條命乜都唔好計囉，我個仔幾靚仔架嘛，冇割爛塊面都執到，要我使幾多錢醫療費都唔諗囉！（完成所有舞台劇過去探病？）唔得，要拍邱禮濤新戲。我寫呢段微博係想畀大家知道，遭遇乜嘢困難都唔緊要，擘大眼仍然行得走得，都應該感謝主！」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：