唐詩詠對愛情固執　望同洪永城目標一致

藝人唐詩詠出席世貿中心舉行的「糖雕藝術迎新禧」日飴賀新年活動，她以大露背現身，索爆全場！唐詩詠又即場跟日本最年輕的「糖藝大師」手塚新理製作糖藝，新鴻基地產代理租務部總經理鍾秀蓮小姐亦有出席。

希望舊愛崔建邦開心

問到唐詩詠有關前男友崔建邦與模特兒女友陳嘉莉分手一事，唐詩詠表示：「有睇報道，但唔知實質咩事，始終係佢哋兩人之間嘅事，外人再加評論會對兩人都有傷害，由佢哋自己慢慢去解決。（傳男方有第三者？）就係大家都唔知咩事，所以唔應該作任何揣測，感情事始終佢哋自己最清楚，我覺得佢哋自己知道就夠。」問到有否跟崔建邦聯絡，她表示：「都間中有，大家係朋友，但佢冇提及，自己都唔會主動問。（你同佢一齊時有否遇到這些情況？）以前唔講喇，最緊要之後開心嘛，都希望佢都開心。」

獲封「中國好女友」

另外，有網民封她為「中國好女友」，她表示：「好多謝畀呢個稱號我，其實好多圈中女仔都好好。（你夠長情、忍耐？）唔好用忍耐，每段拍拖關係都希望直到永遠，我用呢樣為目標去拍拖。我比較固執和堅持，唔好遇到少少問題就嗌分手，所有事都可以解決。（底線咩？）睇情況，拍拖最緊要大家目標一致。（同洪永城目標一致？）好長遠喎，暫時唔知，但會向呢個目標。」

最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！

最強娛樂APP「東網巨星」下載連結：

http://on.cc/redirect/entertainment