陳智燊同宋熙年撐住枱腳煲新劇

圈中情侶陳智燊（Jason）同宋熙年不嬲都出晒名恩愛，早前Jason亦已經透露婚期定喺今年年底，二人將正式成為夫婦！最近Jason有份主演嘅電視劇《愛情食物鏈》熱播，尋晚佢就拖埋未婚妻一齊去餐廳撐枱腳，順便捧埋自己場，佢甫咗兩人抬高頭望實部電視嘅背影相，又偷拍宋熙年個靚樣，並賣花讚花香留言話：「太好看啦！我說是電視劇《愛情食物鏈》，好看到飯都沒吃呢，幸好食物本來就是冷的，多謝大家支持！」Jason讚套劇好睇之餘，又乘機讚埋準陳太，大派閃光彈呀！