女粉絲為送禮送到碌地　霍建華嚇到呆咗

台灣男星霍建華近年長期喺內地發展，戲裏戲外都以靚仔形象示人嘅佢成功俘虜唔少女粉絲，昨日出席完新劇《女醫明妃傳》發布會嘅霍建華去到機場時，大批粉絲一直追隨住佢，有名女粉絲為咗親手送禮物畀偶像更衝入安檢區，當場被機場保安攔截，呢名粉絲仲表現激動，喺地下碌嚟碌去之外又唔肯走，仲大聲叫話：「我只是去送個禮物，你們為甚麼要攔着我！」霍建華見到咁就即刻貼心地跑去安慰該名粉絲並接過禮物，粉絲將禮物送出之後先至平靜落咋！