藝人翟威廉被傳畀緋聞女友陳庭欣要求過二人世界，因此被迫搬離原本與母親同住的地方，而翟媽與陳庭欣更因此面阻阻，最終翟威廉搬到新居，與陳庭欣同居試婚。

翟威廉接受《東網》訪問時，對報道所指的一律否認，更謂：「全部都唔係事實，差唔多全部都錯囉！我同陳庭欣係好好好朋友。（被影到一齊食飯。）所以先一齊食飯啫，絕對冇同居，佢有自己嘅屋企。（陳庭欣嘅兩隻鸚鵡都入住你屋企？）佢嗰兩隻皇帝級嘅鸚鵡唔係跟我住，陳庭欣每日服侍兩隻雀，又要同佢哋全身按摩，只係陳庭欣有時家人唔得閒，先畀我幫手湊半日。成篇報道唯一冇假嘅資料，就係我真係唔係賺好多。」問到二人為何互相「降呢」為好好好朋友時？他表示：「一直係好好好朋友啦！唔係拍拖，你自己問番佢啦。」