齊齊聚舊　楊丞琳宣布舊隊友又做媽咪

台灣女星楊丞琳初出道時係組合「4 in Love」嘅成員之一，組合雖然已經解散，不過大家仲不時約出嚟聚會，感情好好！楊丞琳最近先同內地歌手李榮浩嘅戀情踏入半公開階段，但其他「4 in Love」嘅姊妹已經一個一個結晒婚，仲準備生B添！

楊丞琳喺網上分享四女聚會合照，透露當中有兩位成員都懷孕中，成員張棋惠下個月要生喇，而冷嘉琳就懷緊第二胎，留言：「又是一次4 in old的聚會～棋惠下個月要生了，嘉琳下下個月要生第二胎，預祝她們順產，小寶寶平安！雖然和媽媽們約會都得比較早起，但是我好有精神喔！想必是聊天聊得太開心了～真的好愛我們相聚的時刻」好姊妹一個個成為人母，楊丞琳似乎慢咗啲喎，有冇心郁同李榮浩拉埋天窗？