【慎入】Bob首到韓國　放低幾両

呢個科技發達嘅年頭，每個人都「機不離手」，去邊都帶住部智能電話，做乜都擺上社交網。好似藝人林盛斌（Bob）咁，佢最近去到韓國工作，去廁所「大大」嘅時候，居然都影相擺上網。佢上載一張自己除咗褲，露出兩隻腳嘅照片，估計當時佢坐喺廁所板到，向下咁影落嚟嘅，佢就留言話：「人生第一次出門拍廣告，仲要係第一次嚟到韓國，無理由唔放低d香港特産送俾（畀）韓國嘅朋友嘅，爽呀！」所謂嘅「特産」，明顯係指阿Bob留下嘅珍貴「黃金」啦！此外，佢仲以hashtag留言指當地好凍咁喎。