杏兒度蜜月轉場　玩釣魚完勝老公

正與老公度蜜月的人妻胡杏兒繼日本北海道滑雪之旅及大溪地睇魔鬼魚後，今次又周圍飛，去咗玩釣魚，戴住鴨舌帽嘅杏兒穿上一身輕便裝，同老公Philip一人拎住一條「戰利品」合照，雖見杏兒笑到見牙唔見眼，但條魚明顯較細條嘅Philip就扁晒嘴，而杏兒其後更於facebook寸爆老公：「Look how happy Mr Lee is because my fish is bigger（看看李先生知道我的魚比他大時，所以不開心）」未幾，Philip又於留言放上第二張花絮照並指：「My reaction after realising Mrs Lee's first fish was way bigger than mine（當我知道李太釣的第一條魚比我的大時，我反應是...）」唔少網民見狀亦留言指二人經常隔空打情罵悄sweet爆：「哈哈哈！寸完佢個超大咖哩飯又笑佢條魚細啲！仲要公然放閃好sweeet啫！」

而另一對新婚夫婦台灣藝人王陽明與老婆蔡詩芸今日就於網上晒出合照，宣布「蜜月大冒險」圓滿結束：「蜜月大冒險完成 2016第一個工作要在巴黎開始了!好期待！」