高海寧拍拖唔單聲　宋熙年：要鬧吓佢

無綫「咪神」高海寧（高Ling）被《好報》踢爆跟音樂才子鄧智偉秘撻三年，兩人更於一年前在馬鞍山築愛巢玩同居。

好姊妹宋熙年接受電話訪問時，表示今晨收到朋友短訊才得悉戀情：「都幾好笑，我同佢咁friend，佢都冇同我提過。（拍拖三年都冇發現？）冇，唔似拍拖三年囉，因為我哋成日見。（收得勁埋？）我諗唔係刻意收埋嘅，都要問吓佢先。（嬲佢唔話你聽？）如果真係拍拖又唔同我講就會嬲囉！叫佢請我食番餐飯（補償），同埋介紹個男仔畀我識。」

宋熙年又稱跟鄧智偉不相熟，只是間中在公司活動碰面，高Ling也未有帶男方出席私下聚會，問到時否覺得兩人合襯？她說：「佢鍾意就襯架喇，我覺得鄧智偉好有才華，係成功嘅音樂人士，但高Ling鍾唔鍾意就唔知。（好姊妹終於有另一半好放心？）如果係真嘅就係囉，不過我同Jason（陳智燊）見佢咁多次都唔知（拍拖），真係要鬧吓佢，有少少匪夷所思，希望唔好成日三個人出街，佢快啲搵個另一半同我哋Couple date啦。」