被踢爆與鄧智偉同居 高海寧風騷甜到漏
20160122
東網電視
更多新聞短片
高海寧成個冧樣出晒嚟呀！
擁34D無敵身材的高海寧（高Ling）鮮有緋聞，但原來伊人一直密冚戀情。最新一期《好報》踢爆29歲的高Ling與林峯御用監製、現年40歲的鄧智偉秘戀三年，鄧智偉錫到高Ling燶，有傳還出了信用卡讓女友任碌。但為保愛苗及以免影響女友事業，即使二人在一年前於馬鞍山天宇海築愛巢共賦同居，也要約法三章，絕不同步返歸之餘，返抵愛巢亦要易容喬裝才上樓，發現記者的高Ling更要扮返旺角娘家「安全屋」，還要人前人後扮唔識，把「高鄧戀」埋藏地底最深處。
高調現身愛巢
昨日「高鄧戀」未爆出前，高Ling出席完活動後獨自往九龍站上蓋商場食日本菜，未幾好友陳智燊（Jason）和宋熙年「伉儷」會合高Ling一齊開餐，食到晚上九點，宋熙年右翹高Ling，左翹未婚夫Jason步出，待Jason離開後，兩女孖公仔Shopping，大約一小時後才各自返歸。高Ling到停車場時發現記者，蜜運中的她心情大靚，還向記者舉V，顯得極之風騷。
一如以往有記者追訪，高Ling自動波揸車返回旺角「安全屋」避風頭。不過當被踢爆與鄧智偉秘戀後，高Ling即放下包袱不再避嫌，今日更高調現身天宇海愛巢。約下午2時30分，高Ling從天宇海揸車前往金鐘，下車時企定定讓記者任影，全程笑晒。她對於與鄧智偉秘戀三年、是否早已同居、密冚戀情是否怕影響事業、信用卡是否任碌等問題均沒有回答，雖說自己趕時間，但她卻風騷預告留待明天活動交代戀事，擺明暗示將「高鄧戀」公布天下。
口徑一致
《東網》致電高Ling時，她也暫時封口，開心以短訊回覆：「哈哈！咁多謝你哋咁盡力幫手宣傳《愛情食物鏈》啦！」至於鄧智偉亦與女友口徑一致，在短訊回覆謂：「多謝關心，私人事唔回應啦，謝謝！」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：