孻女話唔愛自己　小S嚇到面青！

身為三女之母嘅台灣藝人徐熙娣（小S），自完成綜藝節目《康熙來了》嘅主持人工作，「失業」嘅佢多咗時間陪三個囡囡玩！

小S呢日喺微博分享與三個囡囡拍嘅短片，片中嘅佢開首問囡囡愛唔愛佢，兩個囡囡都冧爆話愛媽媽，點知搞怪嘅孻女「許老三」就擰晒頭猛話唔愛，嚇到小S面都青埋問：「寶貝你說甚麼？」網友睇到呢一幕都話笑死，仲大讚「許老三」盡得媽媽嘅搞笑功力。小S事後都似乎知囡囡只係整古作怪，並留言話：「這就是幸福～」