【幸福肥？】高海寧認愛才子　自爆增磅

《2016國際中華小姐選舉》今晚於將軍澳電視城舉行，一眾評判均打扮華麗，如苟芸慧、陳凱琳、朱璇、邵珮詩、黃心穎等。被《好報》踢爆與音樂才子鄧智偉發展地下情的高海寧（高Ling），甫到場即成焦點，不過高Ling卻貫徹地下情宗旨，繼續不肯正面承認戀情，但就坦言對方是其喜歡類型。

唔知鄧智偉住邊

對於在場記者連番恭喜，高Ling終開腔謂:「大家唔好恭喜我住，等我解釋件事先，其實我係去嗰度探朋友，唔係探鄧智偉，係探住喺嗰度嘅陳智燊同宋熙年。（唔知鄧智偉住嗰度？）點知。（地下情？）唔係。（識佢？）識，佢以前係我哋公司。（約會？）又冇。（送花畀你生日喎？）我冇收到嘢。」

「拍拖一定公開」

談到她為保護地下情易容返愛巢，高Ling則坦言作為藝人，戴口罩很平常，更表示現時仍然住在旺角。問到是否喜歡該類才子，高Ling說：「身邊啲朋友比我仲鍾意，金剛、陳智燊佢哋，睇佢哋回應讚到天上有地下無，咁我自己都係鍾意呢啲才子類型。（如果鄧智偉追你？）呢啲要等陳智燊介紹，冇啦啦唔會接觸。（拍拖公開？）如果拍拖一定會。」

身為眾女評審最性感代表，問到有否擔心凍親「咪咪」？高Ling笑謂：「唔會，好暖呀！啲佳麗仲犀利，着泳衣，呢排食好多嘢，肥咗所以夠暖。」更指睇好（14）「爆肌李嘉欣」朱亞琳，又大讚對方好靚。