鄧智偉認同高Ling活動範圍近：多啲發展吓

音樂創作人、前無綫音樂總監鄧智偉出席活動，講到與藝人高海寧（高Ling）拍拖與同居（相關新聞： http://goo.gl/LLUcyP ），而高Ling接受訪問時曾表示欣賞音樂才子一事，鄧智偉笑言：「所以呢？其實私人嘢一向唔多講，我美國啱啱返嚟，多謝你哋啲相影得咁靚，亦多謝你哋話我知！我同佢嘅活動範圍咁近，咁我嚟緊多啲留香港，多啲留喺Lobby同停車場發展吓。」

死撐冇同居

問到是否拍拖？鄧智偉表示：「唔係架嘛，我想澄清我個造型唔係鬼鬼竄竄，返屋企啫，係新造型嚟，因為我代理咗啲波鞋同運動衫返嚟。（送畀高Ling着？）都可以，我都送畀好多藝人着。」問到是否同居？鄧智偉仍死撐說：「唔會啦！（鍾意高Ling呢類型？）女神個個都鍾意。」講到高Ling泊月租車位時，鄧智偉表示：「我都冇車，亦冇車牌。（高Ling有，咪得囉。）哈哈哈…」

提緋聞黑面發忟憎

鄧智偉聲稱同高Ling不熟，但講到兩人出入同一座、同一層單位時，本來表現輕鬆的鄧智偉即顯得煞有介事：「點會呀？都話Lobby同停車場咯。（怕唔怕畀人撞見同一層樓出現？）點會？咁唔得嘅，唔可以咁樣！」問到是否送玫瑰花賀高Ling生日？鄧智偉即顯得忟忟哋：「咩呀…我探病架！咁啱啫。」講到與高Ling傳出緋聞後，見面可會感尷尬？鄧智偉即黑面說：「見到先啦…得唔得吖啲答案？」

最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！

最強娛樂APP「東網巨星」下載連結：

http://on.cc/redirect/entertainment