生到攰封肚？34歲陳茵媺賣關子：依家係
腹大便便的藝人陳茵媺以紅色tube dress出席活動，現年34歲的她透露現時懷孕六個多月，預產期是五月，這次也如上兩胎般順產分娩。
細仔撩大仔玩
問到知道今胎是男或女？陳茵媺笑說：「下星期先知。（咁遲嘅？）因為佢鍾意遮住自己。（你預感呢？）我依家注意力去晒第一二個身上，第三個覺得時間好快，因為唔需要準備乜嘢，所以都唔太緊張。（期望係女？）唔敢期望，我自己都鍾意仔，而且終於感受到兩個小朋友差唔多年紀嘅開心，依家細佬會撩大仔玩，兩個喺床上講BB話，見到佢哋，覺得幾辛苦都值得。（兩個仔想要妹妹定細佬？）佢哋太細未識，期待好熱鬧，三個夠晒。（宣布封肚？）我依家話係，因為都好攰，我又鍾意自己湊。」
望突破自己
陳茵媺謂家庭對自己很重要，但也不能沒有事業，自己也有夢想，記者笑問其夢想是拿視后嗎？她續說：「咁我又冇諗得咁大，只係想拍多啲嘢突破自己。（有冇人搵你哋一家五口拍廣告？）之前有搵過，但係我哋都係想低調啲！」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：